经过呢4日，我终于从伤痛中行咗出黎喇……呢4日时间真系过得好漫长，就好似经过咗4个春夏秋冬一样咁耐，好辛苦好辛苦......我以为我自己会为咗倨绝食，会为咗倨日日伤心到喊，会为咗倨乜嘢都唔理，甚至系搞到人唔似人鬼唔似鬼咁。不过庆幸嘅系我无，我依然照样食饭，依然照样生活，依然照样同每个人都有讲有笑。虽然个心真系好痛、好难受。可能我仲系爱得唔够，伤得唔深……

 系果日之前，有位朋友同我讲“就算散咗，都唔需要为倨喊，因为唔值得，当你为倨喊嘅时候，倨系到做梗咩”！ 亦都有人讲过“唔需要为咗D唔识得珍惜你嘅人去伤心难过”。就系因为呢D说话，我无喊过，可能眼泪早就系之前已经喊干咗了。系呢几日里面，我好多谢我嘅家人，系倨地面前我要扮到咩事都无发生一样，所以就算伤心我都唔可以表现出黎。仲要多谢我D朋友，有倨地嘅开解、有倨地嘅支持、有倨地嘅关心，我先可以咁快忘记伤痛……真系好多谢咁多位……

 我同倨Sweet咗两个星期，冷淡咗一个星期，就系咁，结束咗喇……虽然只系短短嘅三个星期，但系呢三个星期我仲系觉得好开心，而且可以同倨系一齐我已经好满足。星座话狮子男系爱情嘅短跑冠军，原来系真噶……系呢三个星期里面，我好多谢倨俾我爱过一场。

 一开始，倨认为我地可以系埋一齐好耐，倨话过会买咕噜咕噜俾我饮，倨话过会陪我去睇今个暑假嘅漫展，倨话过当我生日嘅时候，倨会送只表俾我；倨话过我一定要陪倨睇《赤壁》下集；倨话过下一年嘅情人节除咗倨之外唔允许我同第二个过……呢D嘅一切一切，都已经唔会系事实。我个心好痛，真系世事难料吖~~

 如果两个人系因为真心中意对方先系埋一齐嘅，一定会识得体谅对方，包容对方噶……最近我好中意范玮琪果首“如果你是我”，呢首歌系同周华健一齐唱噶。

 “如果你是我就会懂，有爱就有惶恐

两个人总有些不同，互补要练内功

如果你是我就会懂，有心就有包容

 把争执都变成沟通，爱是牺牲小我”

。。。。。。